ബെംഗളൂരു: കോൺഗ്രസിന്റെയും ഭാരത് ജോഡോ യാത്രയുടെയും ട്വിറ്റർ അക്കൗണ്ടുകൾ മരവിപ്പിച്ച സിവിൽ കോടതിയുടെ ഉത്തരവ് കർണാടക ഹൈക്കോടതി റദ്ദാക്കി.
പകർപ്പവകാശ പരാതി ഉയർന്ന വീഡിയോകൾ പിൻവലിച്ചത് കണക്കിലെടുത്താണ് ഹൈക്കോടതി ഉത്തരവ്.
ട്വിറ്റർ അക്കൗണ്ടുകൾ മരവിപ്പിക്കാനുള്ള സിവിൽ കോടതി ഉത്തരവിനെതിരെ നേരത്തെ ഹൈക്കോടതിയെ സമീപിച്ചിരുന്നു. സിവിൽ കോടതിയുടെ ഉത്തരവ് ജനാധിപത്യവിരുദ്ധമാണെന്നാണ് പരാതി.
പകർപ്പവകാശ ലംഘനം കേസിലാണ് പാർട്ടിയുടെയും ഭാരത് ജോഡോ യാത്രയുടെയും ട്വിറ്റർ ഹാൻഡിലുകൾ താത്കാലികമായി തടയാൻ ബെംഗളൂരു കോടതി ഉത്തരവിട്ടത്. കെജിഎഫ്-ചാപ്റ്റർ 2 എന്ന സിനിമയുടെ ശബ്ദ റെക്കോർഡിംഗുകൾ ഈ ട്വിറ്റർ അക്കൗണ്ടുകളിലൂടെ നിയമവിരുദ്ധമായി ഉപയോഗിച്ചുവെന്ന് ആരോപിച്ച് എംആർടി മ്യൂസിക് ആണ് കേസ് ഫയൽ ചെയ്തിരിക്കുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
